Igyum i ukase mba Najeria ka tor u boo Africa cii, onkasev mba ken Africa cii zua gesa u anumbe a boolov shin angahar sha ityough ki taregh ki Africa sha Morocco ken wer usha utaan-kar-uhar man yange i hii gesa ayange ataan zan zan ve bee ayange ikyundu-kar-aterataa hen inyom ne (2025).
Mhii u gesa ne Najelia gbidye aseva aterataa man tar mom tso kpa faityo u tan Najelia ikoyr inya gazan zan ve kaa toon yongo ne. Ken aseva aterataa ne, ve wa mba yange ve zua ave la cii ako pue-kar-anyiin (14 goals) man mba genev mbela wa ve ako atar (3 goals) man ve too yongo ve hingir Tor u boo Africa.
Vie-vie u mgbidye u boo shun yo ka un je ne; onkasev mban yange ve hii gesa wer ayange aterataa (6/7/2025) vea Tunisia, yange ve gbidye Tunisia ako atar sha kwagh ga (3-0). Kwa u sha uhar lu wer ayange pue (10/7/2025) vea Botswana, yange ve hemba Botswana iko imom tseegh (1-0). Kwa u sha u tar lu wer ayange pue-kar-atar 13/7/2025 lu vea Algeria, yange ve gba akuu a shoho, iwa or iko ga (0-0). Kwa u sha unyiin lu vea Zambia sha wer ayange pue-kar-anieni 18/7/2025, yange Najelia gbidye Zambia ako ataan sha kwagh ga (5-0). Kwa u sha utaan lu wer ayange ikyundu-kar-ahar 22/7/2025, man lu vea South Africa, yange ve hemba South Africa ako ahar sha imom (2-1). Ve mase zuan vea tar u yange i kohol her la. Ka Morocco je la; lu wer ayange ikyundu-kar-aterataa 26/7/2025. Najelia mase gbidyen ve ako atar shaahar (3-2), man ve too yongo ve hingir Tor u boo Africa cii.
Mtee u ve too yongo ne hingir kwa pue (10) jigh-jigh u hemban yongo ne ken tar u Africa ne.
ORHEMEN TAR WASE U NAJELIA WUESE ONKASEV MBA BOROV SHA U TOON YONGO
Orhemen tar wase u Najelia Seneto Ahmed Bola Tinibu wuese Igyum i ukase mba tar wase kpishi sha u ve hemba boo u mbayev kasev mba ken kpen tar u Africa cii sha Morocco yo.
Ityough ki Najeria due a mkaanem man shie ornenge sha onkasev mba borov mban cii ve hide ve va nyor sha Abuja u va nan i yongo yo. Ityough ki Najeria wa ve kwagh nahan er ve taver shima man shi ve lu iyough imom ugbidyen boo er anyom a gen kpaa vea lu hemban nahan vough-vough yo.
President Seneto Tinubu na ve u yua kposo-kposo. Atondo zwa er minista u nengen sha (Federal Capital Territory) Abuja oratindi Nyelson Wike a maa ve uya kaveraa, kua mbatomov vee kpa iyou ikuman alungu atar nahan er i yilan ken zwa nasela er ‘flat’ la, shi a chir ve idyer i vesen itar wase, shi a na inyaregh kpishi kuma u million deri mom man akundu-ahar-gber (N150,000,000.00)sha hanmo ve, shi kaa mbatomov mba yange lu a igyum ukase ne u million akundu-ahar-gber sha hanmo ve cii.