Tiv ka wan u Ter wase u agbe sha man tar la ka AONDO je la, ufan kwagh ne yo Tiv yange ve civir Aondo sha mlu ve nahan Aondo ata ikyaa ken ave.
Aluer unenge yo, Tiv due cha u van hen ijir i Aondo yange tese, shi soo u ve va lu yo, Tiv tagher a akureior kpishi. Sha gbenda u vaan, nongon inyum zan zan ve va nyor hen ijir i Aondo yange soo er se va lu ne.
Ma ikyuior imon tso hemba Tiv num ga sha aciu yange ve lumun aa Aondo unenge er Aondo yange na Moses tahav u duen a mbaisilalev kape Aondo yange na Tiv tahav je la, er gaa u Yelico nahan yange ilu i korough tsee yange yohol gaa shon ye, va hen Tiv nenge toho ngu azuan a usu ga man Tiv ka ve jiir meegh sha ityough ki iyou man iyou i hia ga.
Ungwa nen yange Aondo kaa a Mose er, hanma inyom ihe yo a kohol mbaisilaev cii a ver ve dedoo, hanma gaa yo a va a gum bua kua iyiav ve va kohol ijiir imom ve er iniongu, se hen Tiv kpaa hanma inyom ihe yo yange Tiv ve za sha swem ve za too akaa ve va min hen tar ve, mbageen ilu maa, kasev ve maa kpishi, mbagenev ilu kwagh yan nahan isule idoo kpishi, mbagenev ilu shagba nahan ior ve wa amar gbin man iveren ilu hen tar Tiv tsebelelegh man ier nan man se de u civir Aondo sha mlu wase; u yange Aondo soo se sha mi la.
Mbaisilaev yange ve lu a aleki, gema se Tiv yo, se lu aa swem, yan kwagh agba hen Tiv u mimi a due yo, saa swem una lu, kpa hengem you, swem kpa hingir ior kwagh u mbatsav, ityo kyaa jim ka nyi?
Tyo yam man se hide man se lu civir Aondo sha mlu wase, orhem mbakristu POPE PIUS IO yange kaa er hanma or yo nan civir Aondo sha mlu unam, zwa unan, ityo man aeren a ityo inan man Aondo u na ungwa nan ye.
