Zege mkohol u vesen tema hen Makurdi sha wer 08/07/2025 sha u m tese u akiigh a Benue, Taraba man Nasarawa Seteti yange itema un hen hotel u iyer er Eyas la.
Ken mkaanem ma gomna wase sha kwagh ne yo, a yila ‘u Ter’ man mba vesen cii er ve tema kwagh mon ve tese akiigh la tsembelee sha er hanma or yo nan a fa mkiigh u nan. Mkohol ne yange lu gomenti u Najelia man United Kingdom (UK) yange ve yila un ye.
Ken Mkaanem ma or vesen u British High Commission, Graham Gasa yo apase mba mkohol shun ne u nam iwanger hen tar u Najelia cii, hemban je yo, sha iwasen i been aa ayoosu kposo kposo hen tar wase.
Ken sema kwagh oron u or hemen u mkohol ne Dr. Ukaha Ukiwo kaa nahan er, ve mba nongon sha u been aa ayoosu hen ato-ato u ityough ki taregh ki tar u Najelia man imbusu tar i Najelia u ken imese cii sha a ciu ior mba ka ve va ta num sha ior hanma shie la ma a bee waangh yo.
Or u alu hemen unengen sha ayoosu man mkpeiyol sha Abuja Dr. Joseph Ochogwu yo kaa nahan er, ve sha Abuja kpa ve tema a tema ga, ve kpaa mba keren igbenda wue-wue sha u bem a tema tor ken tar wase, nahan henma Seteti yo ve tese akiigh a ve tsembelee sha u yangen ayoosu henma shie cii, mase yilan mba ve va mkohol ne u nengen er, ve er tom ne vie-vie man bem gba yo.
Ken mkaanem nav yo, Tor-Tiv man orhemenaTor hen tar wase u Benue, Beagh u Tiv, Professor James Ortese Ayatse yo yan yila igyum ior i hen Benue, Taraba man Nasarawa ve zua ve lu gungul mom u nengen er, afer a ior kela mough ajiir a genev va nyor hen ato ve ga, ve kulan u kyasen ve hamna shie er bem una tema tor hen tar wase yo.
Ken mkaanem ma ornengen sha kwagh u mkpeiyol man u been a ayoosu hen Benue cii, shagba kwase Josephine Haba yo, kaa nahan er, Gomna Rev. Fr. Dr. Hyacinth Iormem Alia ka or u soon ayoosu ga, nahan vea tov hanma kwagh vea ver sha gbenda vough man sha inja kpaa, yange sugh gomonti u Najelia man United Kingdom sha uvan a mkohol ne, man tsuwan Benue u lun ijir i teman her man vea sue mkohol Tsembelee yo.
Offcanvas menu
