Iyol Idyu ivesen i hen Najelia cii ve lumun u soron atindi a Najelia, ken kwagh oron ne yo, ve na ian sha adzongo a tar wase cii u ve tema ve nenge sha min, man ikwe tar i ken Tar wase cii ve pine mpav u seteti man u eneir man kulaiyol man akaa aa genev kpishi.
Hen kyasen wase u hen atoato u ityough ki tar ki Najelia (North Central) ne yo yange ilu sha Jos Plateau yange i tema ye, utondon kwamegh ku mhii u mkohol ne yo, Gomna u Plateau Oratindi Caleb Mutfwang na zamber hen iyol idyu i vesen i Najelia i nengen sha kwagh u kura iyol, shi na ve ian u hanma seteti yo a lu a udasenda nav, shi na zamber a iyol idyu ivesen er, a nenge sha kwagh u mser u asangen man er tom u ken ayol a jirigh sha er tar wase u a lu kwagh mom a ityar i gen ilu eren ityom nahan.
Ken kwagh oron u un alu or u sha uhar shin iyol idyu ivesen itar wase ne, Senato Jibrin Barau yila er hanma zwa shin kwe u lu hen ipaven yase yo ve zua a ve. Ken mkaanem ma ava se a mzehemen yo, lu iyol na ga kpa lu Senato u shin Kwara Senato Oyelolo Ashinu lam sha chi na, ior mba hen atoato u ityough ki tar u Najelia cii lumun ve er ve tom sha msor u atindi a tar wase tsembelee yo.
Offcanvas menu
