Se mba sughun Ter Aondo u a kume sha, sha er a ne se agee man kwaghfan u hiin pipa Abaver i ken dzua Tiv, mom ken ijo ii Aondo iyol na pav shien u or lu nongon u maan Babel u a nyor sha Aondo la.

Se ii Pipa abaver ne iti er: ‘INDYER’. Ityoikyaa ngi sha er i hii ve se ne Pipa ia abaver ne iti er ‘INDYER’ yo.

INDYER ken dzua Tiv yo ka kon u ngishe Tiv ve gba sha u keren shagba u oron loho, shin abaver amin yo. Sha shien la, u radio shin jingi bagu lua ngee ken tar wase ne ga yo.
Sha kwagh ne yo, se kaa ser,’INDYER’ ka i naloho, abaver, uma man msaan iyol kpaa.’INDYER’ ne, sha gbenda u gen yo, ka u nan ior mba mkav sha kwagh u ve fe ga yo, shin u oron kwagh hen ato u ior sha mimi.

Kpa mzeiyol u hegen yo, ifer ta mimi shin toho, man mba ve lu shin toho ne, ka ve tema ya sha ahywa, u ya vea mba yaav ga. Ka nahan man tar u te mba mimi shin toho yo, kera mba fan ityo u lamen ga.

Takerade wase u abaver u ‘INDYER’ ne ngu a awashima u wasen mzehemen u Tiv sha kwaghoron man ieren. ‘INDYER’ne ka u ia tese mimi sha shiada u gbar-gbar kuashi ieren i lun a iyol koron tsaha, shi ieren ii kuma iwuese kpaa yo.
Isharen: ‘INDYER’ ne yo, ka u Tiv man ve lu a mzough ayol ave, sha van a mzehemen hen tar wase u Tiv.