Orhemen u mankerata u gomonti u shin tine usha Wanunne la tema sha shie man sha tindi vough.
Orvesen Dr. Emmanuel Tyover Ashinya Dajoh Ateer, u a hemen makeranta ne, tema fese je man hii tom, ngu eren tom tsembelee man shi sha ishima iveren kpaa.
Cii man atema sha ikyonough ki torough ki vesen ki makeranta ne yo, vande lun or u tesen hen makeranta ne je nyor sha aseva a vesen.Lu Tica u vesen ken gbar u tom sule man ahir a nasela, zan zan va lu or u sha uhar unengen sha makeranta ne.
Ka sha mfe tom na ne, yange i mase kenden a na sha zan-zan za hingir u van sha iaven i hemen i jiir ne ye.
Mtem tor na ne va a aseva a henen kwagh je kuma pue-kaa-anieni (18) nahan, man a aven avesen kuma anyiin (4) nahan kpaa.
Kwagh u henen kpaa ngu zan hemen tsembelee hi makeranta ne, atica kpaa saan a iyol sha hemen u wanye kwaor ne. Mbayev mba yan akaren man henen ityomavev kposu-kposu je.
Ikpur takerada,Dr. Emmanuel Tyover Ashinya Dajoh ngu maan makeranta ne tsunghun tsunghun je yemen a mi.Ayou a mbayev kasev a tsaan ker kpaa ngu maan, afishi a mbatyomov man akaa a genev kpishikpa shi ngu zan hemen u maan.
Ityogh ibua kpaa a wa igyar tsembelee u tesen ikyav er, bua yo ka ke ityogh a lun ye. Shighe u ka a kuma bua u yan toho yo, i za gber toho i zahaa un kenityogh a ya.I eren na ne tese ikyav er, ibua i de ye toho zenden wue-wue za vihin mbasulev iyiav ga chii.
Makerante ne shi ngu yilan mbamaren man ikyumior cii er ve va a mbayev ve va a too ve makeranta ke inyom i mhii u takerata i 2025/2026(academic session).
